Kappingrárið hjá KÍ hevur higartil verið merkt av, at fleiri av royndu leikarunum hava verið nógv skaddir. Odmar Færø, Heini Vatnsdal, Hallur Hansson og Jákup B. Andreasen sótu allir uttanfyri móti B36 seinast. Heini og Hallur spæla ikki komandi vikurnar, meðan tað er ógreitt, hvønn leiklut Odmar kemur at spæla. Best sær tað út hjá Jákup B. Andreasen, sum hevur verið uttanlands til kanningar fyri trupulleikar í fótinum. Boðini vóru góð á tann hátt, at einki brot var. Men avgerandi verður, hvussu fóturin svarar aftur uppá venjingarnar komandi tíðina. Jákup hevur eina vón um at verða skjótt aftur á vøllinum í dysti og hann avvísir ikki at spæla ein leiklut móti NSÍ 2. páskadag. So vilja komandi dagarnir vísa, um tann dysturin kemur ov tíðliga.

KÍ-NSÍ spæla 2. páskadag kl. 15.00.