Jákup N. Vilhelmsen fekk beinleiðis reytt kort fyri at hava givið alboga í yvirtíðini móti EB/Streymi. Fyri tað hevur hann fingið leikbann í tveir dystir.

Ahmed Latif fekk tvey gul kort áðrenn hálvleik og harvið reytt kort. Breið semja tykist verða um, at seinna gula kortið var skeivt dømt. Tá KÍ við 10 móti 11 skoraði sigursmálið langt inni í yvirtíðini, so runnu KÍ-leikararnir yvir til áskoðararnar, har m.a. Ahmed Latif var í nærheitini. Har var hann so glaður, at hann leyp í bunkan og eisini var innanfyri bandan eina løtu. Útfrá dómarafrágreiðingini hevur Ahmed Latif fingið ein dag eyka leikbann fyri hetta, tí ein leikari, sumn hevur fingið reytt kort, hevur sambært reglugerðini ikki loyvið til at koma innum økið. Umframt at hann fær ein dag fyri reyða kortið, har hann av órøttum fekk seinna gula kortið. Ahmed Latif verður sostatt heldur ikki tøkur komandi tveir dystirnar.

Komandi tveir dystirnir hjá KÍ eru móti HB á útivølli og NSÍ á heimavølli.