Í gjáramorgunin um sjeytíðina gavst Klakkur við fiskiskapinum á Flemish Cap, orsakað av at kvotan var uppi hesafer. Líggjas Johannesen, reiðari sigur, at Klakkur hevur um 300 tons nú hann er byrjaður at sigla hendavegin. Ætlanin er at skipið skal fiska í eini fýra dagar undir Føroyum áðrenn teir koma inn at leggja veiðuna upp. Klakkur kann hava um 350 tons í lastini. Um veiðina sigur Líggjas, at eini 95% av veiðuni hendan túrin er toskur, restin er kalvi og annar fiskur.

Klakkur fór av Klaksvík 17. juni, skipari hendan túrin var John Viljam Johannesen, ið er 29 ár og skipari á fyrsta sinni, hann er sonur Líggjas. 17 mans hava mannað skipið hendan túrin og sigast má, at fiskiskapurin hevur gingið sera væl.