Tá ið KÍ í 2022 spældi Champions League kvalifikatiónsdyst ímóti norska stórfelagnum Bodø/Glimt, taptu vit greitt 3-0 á útivølli, men so kom dysturin við Djúpumýru!

Tað er ikki so undarligt, at nógvir fjepparar og ítróttarskrivarar eru svartskygdir um møguleikarnar hjá KÍ at gera ein vørr á heimavølli ímóti Malmø FF, sum jú vann fyrra dystin 4-1 á KÍ týskvøldið í Malmø. Men sum ein kendur politikari mangan tók til, so er einki liðugt, fyrr enn alt er liðugt, og soleiðis eigur hugburður okkara her í Klaksvík at vera áðrenn seinna dystin ímóti Malmø FF, sum verður her í Klaksvík týskvøldið.

Her hava vit eitt fordømi frá 2022, sum kann geva okkum mót og áræði, nevniliga dysturin ímóti Bodø/Glimt, sum eins og Malmø FF eisini vann heimadystin ímóti KÍ við trimum málum á muni.

Eingin tordi heldur at trúgva upp á tað tá, men tað skuldi vísa seg at gerast ein heilt annar dystur við Djúpumýru.

KÍ skoraði nevniliga trý mál við Djúpumýru tann dagin, so samlaða støðan kundi tað sama enda púra jøvn ímóti norska stórfelagnum, hevði tað ikki verið fyri einum hepnum brotssparki, sum norðmenn fingu í tí dystinum.

So hví ikki hava hendan hugburðin, nú Malmø FF kemur á vitjan?!

KOYR Á KÍ !!