Tað hevur altíð verið mín dreymur at givið hetta lagi út í nýggjum hami, men tað hevur verið umráðandi fyri meg, at mamman kundi góðkenna broytingina. Hon hevur tí verið við í prosessini og leypandi blivin spurd um hvat og hvussu, sigur Frankie. Sum ein tøkk til mammuna fyri at sleppa at brúka tekstin hevur hon eisini fingið ein leiklut á umslagnum har hon eigur annað andliti.

Tað er enn einaferð Julian Andreasen, ið stendur fyri framleiðslu av útgávuni. Tað var eisini Julian, ið stóð fyri framleiðslu av seinasta lagnum hjá Frankie “Mína egnu leið”, ið kom út í Juni. Umframt Julian, ið hevur spælt og framleitt tað besta av tónleikinum, spælir Sámal Lindenskov gittar á lagnum og Reggie Duncan spælir steel gittar.

Lagi kann longu nú hoyrast á Spotify og Youtube.