ÍF hevur havt eitt venjaraskiftið, og hetta er fyrsti dystur í hesum umfari hjá Ólavi Larsen sum høvuðsvenjara. ÍF hevur mist nakað av fólki í summar, men hevur fingið tilgongd úr KÍ. Okkum vitandi hava KÍ og ÍF ikki gjørt nakra avtalu um, at Símun Kalsø og Silas Gaard ikki kunnu spæla móti KÍ, so teir verða møguliga við.

Hjá KÍ hevur René S. Joensen leikbann. Jákup B. Andreasen er skaddur og so er ivamál um m.a. Odmar Færø, Claes Kronberg, Heina Vatnsdal og Jonn Johannessen. Fleiri KÍ-leikarar eru uttanlands og tí ikki tøkir.

Dysturin í Klaksvík byrjar kl. 15.00. Dómari verður Bjarki Danielsen.