Hópsamansetingin hjá KÍ til 2025 er komin nógv styttri enn vanligt um hesa tíðina. Vanliga gera lið nógv fyri, at teir hava sáttmálar, sum ikki nærkast endanum av sáttmálaskeiðnum. Síðstu tíðina hevur liðið spælt dyst 3.-4. hvønn dag, so tað er helst orsøkin til, at einki er hent í summar.

Tað er ongastaðni í nøkrum topp 5 felag, at so nógvir profilar eru uttan sáttmála sum í KÍ. Har kunnu nevnast Árni Frederiksberg, Páll A. Klettskarð, Jákup B. Andreasen og Jóannes K. Danielsen. Hetta er ''lokala'' kjarnan í hópinum, tó at Árni ikki er uppvaksin í KÍ. 

Sannlíkt er, at samráðingar verða tiknar upp komandi tíðina, um tær ikki longu eru tað, nú altjóða kappingarnar eru lidnar. Og so vil tíðin vísa, um komið verður á mál, ella um leikararnir hava aðrar ætlanir.