Eystanfyri fara lágtrýst at liggja – alla vikuna(!) – og køld luft av leiðunum við Norðpólin fer at reka ímóti Føroyum. Tað líkist nokkso nógv veðrinum fyri 2 vikum síðan, tá ið tað kølnaði, og fjøllini blivu hvít.

Tað verður ein endurtøka av tí, men helst verður ein lítil munur, og tað er, at tað fer at kølna 1-2 meiri enn tá. Tað merkir, at tá ið høgættin hevur ligið nakrar dagar, er kølnað so mikið, at fjøllini eru hvít í erva, OG okkurt kavaavfall sæst oman ímóti gørðunum ella longur niðri. Tó ikki at stóra kavaavfalli.

Veðrið í vikuni – dag fyri dag:

Mánadagin:

Lot til frískt lot av landnyrðingi, 5 til 10 m/s, upp í hvassan vind í hvirlunum, 15 m/s. Fyrrapartin samdrigið og regn, men sum frálíður smáskýggjað og sólglottar, og stundum okkurt ælið. Hitin 6 til 11 stig.

Týsdagin:

Lot til frískt lot norðan, 3 til 8 m/s, smáskýggjað og sólglottar, men eisini løtur við ælaveðri. Hitin 3 til 9 stig.

Mikudagin:

Lot til frískt lot norðan, 3 til 8 m/s, sum líður á seinnapartin veksandi upp í frískt lot til frískan vind, 5 til 10 m/s, smáskýggjað og sólglottar, men eisini løtur tá ið tað er skýggjað og ælaveður. Hitin 3 til 8 stig.

Hósdagin:

Frískt lot til frískan vind norðan, 5 til 10 m/s, skýggjað og ælaveður, men eisini smáskýggjað og sólglottar í løtum. Hitin 3 til 8 stig.

Fríggjadagin:

Lot tilt frískt lot norðan, 3 til 8 m/s, smáskýggjað og sólgottar, men eisini stundum skýggjað og ælaveður við regni ella vátakava. Hitin 3 til 8 stig.