Hóast lyftið hjá Javnaðarflokkinum er væl eldri enn kravið frá Ruth Vang, so tykist tað at fella landsstýrissamgonguni, og sambært løgmanni eisini samgongutingfólkum, lættari at áleggja føroyingum fleiri byrðar enn at lætta um hjá fólki. Tí enn hómast onki til, at lyftið um at lætta um hjá fólki við styttri arbeiðsviku hevur nakran skund fyri samgonguna.

Kravið um at leingja aldursmarkið fyri, nær føroyingar kunnu sleppa av arbeiðsmarknaðinum, er longu á skinnarum, og sambært løgmanni er samgongan samd um tað, so tað verður uttan iva samtykt uttan svørðslag. Hinvegin gongst illa hjá løgmanni at fáa forstáilsi í skipanini fyri at lætta um hjá føroyingum, og tí gongst striltið við at fáa styttu arbeiðsvikuna á dagsskrá.

Vit skulu tí rokna við at muga arbeiða eitt væl longri áramál, meðan stór óvissa valdar um, hvørt arbeiðsvikan í heila tikið verður stytt.