CNN skemtar um at USA tekur Grønland við valdi
Men tað er ikki bara skemt, tí politiski strategurin Scott Jennings nevnir eisini, at tað væl hevði borið til fyri USA.
– ”Har búgva ikki so nógv fólk í Grønlandi, so vit kundu væl tikið tað”, sigur Jennings, sum millum annað hevur arbeitt undir George Bush. Men hann heldur, at USA í fyrstu syftu eigur at leggja eitt fíggjarligt boð fram um keyp av Grønlandi, og samanber tað við, tá ið USA keypti Alaska frá Russlandi.
Víðari sigur hann, at Grønland er ríkt upp á mineralir, sjáldsom jarðarsløg og at USA longu hevur ein basa har. Harumframt hevði tað givið USA ein skansa ímóti Russlandi, sigur Scott Jennings við CNN.
Tá ið tíðindakvinnan hjá CNN, Abby Philips, spurdi um møguleikan fyri at taka Grønland við hervaldi, varð flent í studio’inum.
Brotið frá CNN kann síggjast her: https://x.com/Acyn/status/1876470867259187378