Í dag ringdi ein egnari, ið hevur arbeiði á Stongunum, og spurdi um Norðlýsið ikki kundi gera vart við sera vánaligu umstøðurnar hjá egnarunum á Stongunum, nú kavin hevur ligið í fleiri dagar.

Vit gjørdu av at fara ein túr við myndatólinum. Hetta fyri, at lesarin sjálvur kann síggja hvussu óatkomuligar umstøðurnar eru hjá egningarmonnunum. Har er næstan ikki komandi fram við bili, og skulu menn úr arbeiðisskúrunum og oman á brúgvakantin at koyra stampar umborð á bátarnar, ja, so skulu fleiri mans til bara at flyta ein vagn við stampum henda stutta teinin.

Vit fingu í hvussu so er sjón fyri søgn at arbeiðisumstøðurnar har eru sera vánaligart sjálvt um teinurin er stuttur úr egningarskúrinum og oman á úróðrarbátin.