Í morgin kl. 13.30 bresta kvinnurnar hjá Stjørnuni og VB saman í KÍ-høllini, og er talan um botnuppgerð. Støðan í niðara enda á stigatalvuni er tann, at EB er sætta plássi við 5 stigum, síðan kemur Stjørnan við 4 stigum, og aftast er VB við 2 stigum.

Kappingin er soleiðis skipað, at 6 tey fremstu liðini frá innleiðandi kappinigini halda fram í einum endaspæli. Tað er tí ógvuliga umráðandi hjá stjørnukvinnunum at vinna dystin ímóti VB.

Tað hevur gingið betur hjá Stjørnuni seinastu dystirnar, fyrst vunnu tær á EB í landskappingini, og seinasta vikuskifti leiktu tær aftur ímóti EB í steypakapingin, og vunnu dystin, og leiktu tær seg harvið í hálvfinaluna í steypkappingini.

Sum nevnt, so verður dysturin í morgin bríkslaður í gongd kl. 13.30..