Tað var klassamunur á liðunum, tá kvinnuarnar hjá Stjørnuni í dag á heimavølli tóku ímóti VB. Stjørnan legði hart út, og tók leiðsluna frá byrjan av. VB royndi at fylgja við fyrstu løtuna. Hóast Tóra Eliasen hjá Stjørnuni sat uttanfyri vegna skaða, so hevði Stjørnan fleiri streigir at spæla uppá enn mótstøðuliðið. Hálvleiksstøðan var 17-11 til Stjørnuna.

Stjørnan økti støðum um leiðsluna, sum seinni hálvleikur leið, serliga var tað verjuparturin, sum riggaði væl. Tað skuldi ganga 12 minuttir, áðrenn VB fekk sítt fyrsta mál í seinna hálvleiki, og tá støðan 25-12 til Stjørnuni, og dysturin var í verunleikanum avgjørdur. Endaliga úrslitið gjørdist ein greiður 33-18 sigur til Stjørnuna.

Við sigrinum hevur Stjørnan fyribils toga seg uppá fimta pláss, við sama stigtali sum StÍF, men StÍF leikar seinni kvøld ímóti EB.

Tað hevur gingið betur hjá Stjørnuni seinastu dystirnar, og var dysturin í dag triðji sigur uppí slag.

Málini hjá Stjørnuni í dagsins dysti skutu: Iulia Nalviko 8, Joan Sørensen 6, Mina Sirdal Henriksen 5, Durita K. Ljósstein 4, Bergit Svarvadal 4, Hanna Brandal 3 og Jancy H. Poulsen 3