Í dag fingu vit sjón fyri søgn um, at kvinnurnar hjá Kí ætla at gera sítt besta til fótbóltskappingina í ár. Nýggi venjarin Allan Brost og nýggi hjálparvenjarin Rannvá Biskopstø Andreasen, hava tikið við venjingini í ár saman við Rúnu Bjartalíð og málmansvenjaranum Hera Ósá.

Í stuttari samrøðu sigur Rannvá, at undirtøkan hevur verið sera góð í ár til venjingina. Fyrsti dysturin hjá kvinnunum verður ikki leiktur fyrr enn 19. mars, tá vit skulu møta Víkingi á Djúpumýru. Fleiri venjingardystir verða tó áðrenn tað,  so vit rokna við at vera í góðari venjing, tá kappingin byrjar.

Í dag kundu vit við hjálp frá onkrum øðrum KÍ liðum seta tvey lið, ið leiktu ímóti hvørjum øðrum, men tó 21 kvinnuleikarar møttu til venjingina í dag og harafturat vórðu 5-6 leikarar tarnaðir í at møta, so við kvinnufótbóltinum sær gott út, vit hava ein sera stóran og góðan hóp. Nú er so bert eftir at fáa alt upp á pláss við leikháttinum, sum Allan Brost vil hava liðið at leika eftir.

Úrslitið gjørdist í dag, at bláa liðið vann við 4 málum ímóti einum. Niðanfyri myndir frá venjingardystinum