Lágtrýst koma og fara, okkurt fer at liggja nær Føroyum í fyrr helvt av vikuni. Í miðvikuni fer ein hátrýstryggur at leggja um okkara leiðir við lítlum vindi ella avfalli eina løtu. Tá ið vikuskiftið nærkast, fer eitt djúpt lágtrýst við nógvum vindi at nærkast Føroyum sunnaneftir, og tá tað er farið eysturum, fara vit at merkja kalda luft við vetrarligum ælaveðri.  

Veðrið í vikuni – dag fyri dag:

Mánadagur:

Lot til frískt lot sunnan og av útsynningi, 3 til 8 m/s, skiftandi skýloft og ælaveður. Hitin um dagin fer at liggja millum 5 og 9 stig; um náttina millum frostmarkið og 4 stig.

Týsdagur:

Lítið lot av ymsum ættum, minni enn 5 m/s, sum frálíður veksur hann upp í frískan vind upp í strúk av landnyrðingi, 8 til 13 m/s, í støðum upp í hvassan vind, 15 m/s. Allan dagin skýggjað og ælaveður. Hitin millum frostmarkið og 5 stig.

Mikudagur:

Frískur vindur upp í strúk av landnyrðingi, 8 til 13 m/s. Seinnapartin minkar hann niður í lot til frískt lot eystan, 3 til 8 m/s. Skýggjað og ælaveður, í støðum við vátakava. Hitin úr einum stigi undir frostmarkinum upp í 4 stig.

Hósdagur:

Frískt lot til frískan vind eystan, 5 til 10 m/s, seinnapartin lækkar hann í landsynning. Skýloftið skiftandi við ælaveðri, í støðum við vátakava. Hitin millum 2 og 7 stig.

Fríggjadagur:

Frískur vindur upp í strúk av landsynningi, 8 til 13 m/s, sum út á fyrrapartin minkar niður í eitt lítið lot av ymsum ættum, minni enn 5 m/s. Seinnapartin gongur hann upp í landnyrðing og veksur vindin upp í frískan vind upp í strúk, 8 til 13 m/s. Allan dagin skiftandi skýloft og ælaveður, í støðum við vátakava. Hitin millum 1 og 6 stig.