Tá eitt uppskot er farið í hoyring, so fer ein víðari viðgerð fram. Tað er tí mann hevur eina hoyring, staðfestur Eirikur. 

Eg hugsi eisini onkuntíð at mál í fyrstu miðlaviðgerðini av teimum eru merkt av, at nógvar millumrokningar blíva burtur. Í hesari setuni hava vit millum annað sæð tað í samband við veiðugjøldini hjá fiskivinnuni, ferðavinnulógina, næmingatali í skúlaflokkum og í samansetingini av tøkugjøldum hjá alivinnuni, sigur Eirikur. 

Eg eri sannførdur um, at allar tær lógirnar blivu betri enn uppskotini, sum fóru til hoyringar og at avbjóðingar eru loystar, sum aðrar samgongur ikki hava hættað sær í gongd við, sigur Eirikur. 

Til dømis er ætlanin við at hækka tøkugjøldini fyri brúk av firðum framd, so mann í størri mun kann fíggja okkara vælferðarsamfelag, samstundis sum mann tryggjaði, at skipanin ikki skapti óneyðugar vansar fyri víðarivirking á landi, sigur Eirikur. 

Tí haldi eg, at tíðin nú er til at viðgera uppskotið sakliga saman við teimum hoyringsskrivum, sum eru komin, og so vænti eg, at vit eisini í hesum málinum koma til skilagóðar loysnir, sigur Eirikur við Norðlýsið at enda.