Av tí at Torradagar eru í býnum hesa vikuna, fer Matvørudeildin at skipa fyri Torra-sjálvtøkuborði, har høvuðsdenturin á borðseðlinum verður rávørur úr sjónum. 

Næmingar á Tøknibreytini fara saman við Treysti at skipa fyri heilsurenning og heilsucafé, har tú kanst fáa mált blóðtrýst, blóðsukur og annað. Okkurt gott leskiligt verður eisini at fáa eftir renningina. 

Allar deildirnar á skúlanum hava opið, og til ber at kunna seg um virksemið á skúlanum. Komandi næmingar og avvarðandi hava eisini møguleika at síggja umstøðurnar á næmingaheiminum. 
Lestrarvegleiðarar vegleiða um útbúgvingarnar á skúlanum. 

Vælkomin á gátt á TSK leygardagin 22. februar frá klokkan 10 til 15. 

Endaliga skráin kemur út seinni.