Reiðaríini í Felagnum Nótaskip hava seinastu árini veruliga sett ferð á at endurnýggja flotan. Hetta er bæði gjørt við at byggja spildurnýggj skip og at skifta eldri skip út við nýggjari skip.

Trý nýggj skip

Seinnapartin í gjár var móttøka í Fuglafirði fyri nýggja Høgabergi, sum Sp/F Framherji hevur latið byggjað. Høgaberg er triði nýbygningur, sum er komin í nótaflotan seinastu trý árini. P/F Christian í Grótinum bygdi eitt nýtt uppsjóvarskip, sum kom til landið á vári 2022, meðan P/F Krossbrekka lat Finn Fríða byggja, sum kom til landið í fjør.

Aðalmálið við nýggju og stóru íløgunum hevur verið at fáa eina hægri góðsku, lægri útlát og betri lønsemi.

Gildistíðin avgerandi

Ein høvuðsorsøk til, at reiðaríini í Felagnum Nótaskip hava gjørt so stórar íløgur í at endurnýggja flotan seinastu árini, er, at viðurskiftini í fiskivinnuni hava verið trygg og at gildistíðin á loyvunum higartil hevur verið 12 ár.

Lægri miðalaldur

Fagraberg, sum bleiv bygdur í 1999, er í løtuni elsta skipið í uppsjóvarflotanum. Næsta ár, í 2026, verður Fagraberg skiftur út við eitt nýggjarí skip – eitt skip frá 2018.

Miðalaldurin hjá teimum sjey skipunum, ið tey trý reiðaríini í Nótaskipum eiga, verður tá átta ár.

Fakta: Skipini í Felagnum Nótaskip

• Høgaberg 2025
• Finnur Fríði 2024
• Christian í Grótinum 2022
• Gøtunes 2016
• Norðborg 2008
• Tróndur í Gøtu 2003
• Fagraberg 1999 – komandi skipið frá 2018
   

Mynd: Karstensens Skibsværft A/S