FSF hevur í dag kunngjørt, at Eyðun Klakstein verður høvuðsvenjari og Atli Gregersen hjálparvenjari.

Sáttmálin er galdandi fyri komandi tvey árini. Á tíðindafundinum luttóku Eyðun Klakstein og forsetin, Christian F. Andreasen, og hann fegnaðist um, at tað verður ein føroysk loysn. Hann segði, at hóast summi halda, at tilgongdin hevur tikið langa tíð, so hevur hon tikið ta tíð, sum ætlað, tá tilgongdin byrjaði í november.

Enn er restin av venjaratoyminum ikki sett, váttaði Eyðun Klakstein.