Tiltak: Foreldur í einum talgildum heimi
Í einum heimi, har alsamt fleiri tænastur flyta á netið, veksur skíggjanýtslan hjá børnum og ungum. Samstundis stinga nýggjar avbjóðingar seg upp fyri tey, sum hava ábyrgd av teimum ungu. Vit vilja varpa ljós á, hvussu vit kunnu stuðla eini betri og tryggari skíggjanýtslu í einum alsamt meira talgildum heimi.
Føroya Tele skipar fyri tveimum tiltøkum undir heitinum “Foreldur í einum talgildum heimi”. Á tiltakinum verður sjóneykan sett á skíggjanýtslu hjá børnum og ungum.
- Mikukvøldið 19. februar kl. 19.00 – 21.15 á Føroya Tele í Hoyvík.
- Hóskvøldið 20. februar kl. 19.00 – 21.15 í Varpinum í Klaksvík.
Um tiltakið
Á tiltakinum fer Jonas Ravn, ráðgevi innan talgildan trivnað hjá børnum og ungum, at greiða frá, hvussu vit kunnu vera góð foreldur hjá talgildum ungum, hvat okkara ábyrgd er, og hvat ung sjálvi siga um, hvussu foreldur handfara hetta evnið.
Súsanna í Króki, SSP-ráðgevi, gevur fakligt innlit og góð ráð til foreldur, og Annika Kunoy Im og Tóra Effersøe Mortensen frá Kvinnu fara at hava sofaprát við ung.
Tiltakið er ókeypis, men tilmelding er neyðug.
- Melda til tiltakið í Hoyvík 19. februar HER.
- Melda til tiltakið í Klaksvík 20. februar HER.
GG! Tað er avmarkað pláss.
Vit síggjast!