Men hvat felag skiftir hann til, um so verður?

Norðlýsið veit frá keldum, at 33 ára gamli landsliðsleikarin Jóan Símun Edmundsson kemur til Føroyar seinni í vikuni og at hann neyvan heldur fram í Norðumakedónia, har hansara felag eisini hevur havt fíggjartrupulleikar. Tað ljóðar, at tað er sannlíkt, at hann spælir í føroyskum fótbólti í ár.

Tað hevur ljóðað, at HB og KÍ hava víst honum áhuga. Norðlýsið hevur spurt seg fyri í KÍ og lítið bendur á, at KÍ fer at bjóða fyrrverandi landsliðsleikaranum sáttmála. Símun Samuelsen, ítróttarstjóri í HB, sigur, at HB hevur verið í samband við Jóan Símun og hevur áhuga, um hann velur at koma til føroyskan fótbólt.

Spurningurin er so, um onnur feløg kunnu fara at geva HB kapping um undirskriftina. Har kunnu vit hugsa okkum, at 07 Vestur og barndómsfelagið B68 kundu verið møguleikar, meðan hann ikki passar til aldursprofilin, sum Víkingur plagar at keypa.