Felagið varð stovnað í 1995 og er áhugafelag hjá kirkjuráðslimum í Føroyum. Sambært løgtingslóg er endamálið hjá hvørjum einstøkum kirkjuráði í kirkjusóknini at “tryggja kirkjuliðnum góð kor fyri lívi og vøkstri í trúskapi móti lærugrundarlagnum hjá fólkakirkjuni.”

Treytir:

Nevndin, ið er skipað av nevndarlimum felagsins og einum fakfólki, tilskilar sær rætt til at velja ella vraka hugskot ella skriva út nýggja kapping.

Freistin at senda uppskot inn er mánadagin 1. mai 2025.

Spurningar kunnu setast á doh@email.fo ella við at ringa til Dagbjørt Ólavsdóttur Hansen, tel 211076.

Uppskot til búmerki kunnu latast inn við eini frágreiðing fyri, hví tygum halda, at tygara uppskot skal veljast til at gerast búmerki hjá Felagnum fyri kirkjuráðslimir.

Uppskotið verður lagt í ein brævbjálva fyri seg, og ein seðil við upplýsingum um sendara (navn, bústaður, telefon og teldubústaður) verður lagdur í ein annan brævbjálva. Sama frámerkið verður sett uttan á hesar báðar brævbjálvarnar, sum verða lagdir í ein brævbjálva uttan navn og sendara á og sendur til:

Dagbjørt Ó. Hansen, Á Heyggi 4, 512 Norðragøtu.

Latnar verða 10.000 kr. til vinnandi búmerkið.