AI (vitlíki) er komið buldrandi inn á okkum øll og fær alsamt størri ávirkan á okkara gerandisdag. Men hvat er hetta vitlíkið í roynd og veru?

Á hesi kafé fara vit at læra meira um hetta máttmikla fyribrigdið á ein lættskiltan hátt.

Framløgan

Vitlíki er allastaðni — í telefonunum, í teldunum og á arbeiðsplássunum. Men hvussu ávirkar hetta okkum? Og hvussu kunnu vit gagnnýta tað?

Á hesi spennandi kafé fer Saga at taka okkum við á ferð inn í vitlíkisheimin. Hon fer at vísa okkum, hvussu hendan tøknin longu nú broytir okkara gerandisdag, og hvussu vit kunnu vera við til at mynda framtíðina við vitlíki.

Saga Úlfarsdóttir

Saga er vitlíkisserfrøðingur, Master í ídnaðartøkni (industrial engineering), og hevur serligan áhuga fyri, hvussu vanlig fólk og fyritøkur kunnu fáa gagn av hesi tøkni. 

Hon hevur drúgvar royndir við at hjálpa fyritøkum í at nýta vitlíki í arbeiðshøpi.