Eitt hátrýst fer at liggja sunnan fyri Ísland alla vikuna og senda kalda luft av leiðunum við Eysturgrønland niður til okkara. Einki brúgvalag við nógvum avfalli sæst í veðurkortunum fyri næstu 7 dagarnar, men luftin er óstøðug, og tá er vanliga ælaveður – ikki bert regn, men eisini vátakavi ella kavi.

Veðrið í vikuni – dag fyri dag:

Mánadagin:

Hann fer at koma høgt (norðan) um morgunin og út á seinnapartin, 5 til 10 m/s, men sum frá líður gongur hann vesturum til útnyrðing. Loftið allan dagin skýggjað við sólglottum og ælaveðri, í støðum kanska við vátakava ella kava. Hitin millum 1 kuldastig og 5 hitastig.

Týsdagin:

Fer at liggja høgt allan dagin (norðan), 10 til 15 m/s. Loftið skýggjað og ælaveður við vátakava ella kava. Um kvøldið minkandi vindur. Hitin fer at liggja millum frostmarkið og 4 hitastig.

Mikudagin:

Aftur norðan, men minni vindur enn dagarnir áðrenn, 3 til 8 m/s. Í erva hálvskýggjað og yvirhøvur turt. Um kvøldið veksur vindurin upp í 5 til 10 m/s.  Hitin millum frostmarkið og 5 hitastig.

Hósdagin:

Hann fer eysturum til landnyrðing, 3 til 8 m/s, og sum frá líður minkar vindurin niður í eitt lítið lot av ymsum ættum, minni enn 5 m/s. Loftið skýggjað og yvirhøvur turt, men um náttina regn ella vátakavi vestaneftir. Hitin millum 1 kuldastig og 4 hitastig.

Fríggjadagin:

Hann fer at liggja av landnyrðingi, 5 til 10 m/s – men um kvøldið eitt lítið lot av ymsum ættum, minni enn 5 m/s. Fyrrapartin hálvskýggjað og regn ella vátakavi, men seinnapartin yvirhøvur turt. Hitin millum frostmarkið og 5 hitastig.