Lýsing
Lýsing
Lýsing

Sambandsflokkurin vil hava besta figgingarleist til Suðuroyartunnilin

SKRIVAÐ: Sambandsflokkurin  |  15.03.2025 - 16:48 Politikkur Tíðindaskriv

Í Føroyum hevur leingi verið arbeitt uppá at binda allar oyggjarnar saman við góðum undirstøðukervi. Í dag heldur Sambandsflokkurin landsfund í Suðuroy, har tað í nógv ár hevur verið eitt ynski – og ein ætlan – um at knýta Suðuroynna uppí restina av Føroyum við einum tunli.

 

“Sambandsflokkurin vil knýta Suðuroynna saman við restini av Føroyum og tryggja støðugt ferðasamband við einum tunli. Hendan íløgan í undirstøðukervið má gerast, tí tað er ein neyðug íløga fyri Føroyar”, sigur Bárður á Steig Nielsen, formaður í Sambandsflokkinum.

Sambandsflokkurin skjýtir í hesum sambandi upp, at Suðuroyartunnilin verður fíggjaður umvegis eitt statslán úr Danmark fyri at tryggja bestu rentuna, og harvið verður tunnilin bíligari.

Eitt annað evni á landsfundinum er trygdarpolitiska støðan. Heimsskipanin, sum vit kenna hana, er undir trýsti, og tí heldur Sambandsflokkurin, at tað er umráðandi, at vit í Ríkisfelagsskapinum standa saman. Sambandsflokkurin vil gagnnýta tað trygdarnetið og teir stórrakstrar fyrimunirnar, ið eru í Ríkisfelagsskapinum. Tó, er tørvur á at tryggja, at allar uttanríkis-, trygdar- og verjupolitiskar avgerðir, ið ávirka Føroyar, skulu avgerast í Føroya Løgtingi.

“Saman eru vit sterkari, og tað ger seg serliga galdandi í hesum broytingartíðum. Vit vilja varðveita Ríkisfelagsskapin og gera hann tíðarhóskandi, men vit hava tørv á at formalisera og víðka um sjálvsavgerðarættin hjá Føroyum, soleiðis at tað eru føroyingar, ið ráða yvir tí, ið fer fram á føroyska matrikklinum”, sigur Bárður á Steig Nielsen.

 

Sambandsflokkurin

Lýsing
Seinastu tíðindini
Lea Osberg Højsted nýtt Føroyskt met
Marjun og Páll Poulsen vitja í Betesda s…
Sambands­flokku­rin vil hava besta figging…
Klaksvíkar Billard­felag FM vinnarar fyri…
Anna Falkenberg nýggj næstfor­kvinna í Sa…
Mjølnir suverænur føroyameistari
Gospel við humor
Petur vísti starvsfeløgum sínum heimstað…
Faroe Ship kunningarfund í Norð­havnini
Swardi á Summar Festival
Samrøða við Eirikur Í Jákups­stovu
Fíggjar­mála­ráðið og Ljósmøðra­felag Føroy…
Dizzy Mizz Lizzy á Torsfest
Tøkk - Erling Joensen
Samrøða við Benjamin Rajani
Samrøða við BBE
Tónlistarskóli Árnesinga vitjar Klaksvík…
Vit mugu taka ábyrgdina av vælferðarsamf…
Stýrið í NBH hevur skipað seg
Stakkavík góð 6.000 pund