Lýsing
Lýsing
Lýsing
Flogfar hjá Atlantic Airways er leigað at flúgva danskt politistalið til Grønlands. Orsøkin er vitjanirnar hjá Ushu Vance og Mike Waltz, men annars er ríkisløgreglan fáorðað. | Mynd: Flightradar24

Politistalið á veg úr Danmark til Grønlands – við Atlantsflogi

SKRIVAÐ: Jóhann Lützen  |  23.03.2025 - 14:28 Politikkur Tíðindi

Atlantic Airways flýgur í skrivandi stund danskar politistar til Grønlands í sambandi við vitjan úr USA. Ríkisløgreglan er fáorðað, men váttar, at tey hava "chartrað" eitt flogfar at flúgva løgreglufólk til Grønlands. Eisini váttar samskiftisstjórin hjá Ríkispolitium, René Gyldensten, at tað verður gjørt í sambandi við vitjanina úr USA.

Upplýst verður, at eitt vanligt ferðafólkaflogfar er farið úr Midtjyllands Lufthavn í Karup kl. 12:30 danska tíð í dag, og tað verður rópt ein ”ekstraordinær flyvning”. Talan er um ein Airbus A320 við rúmi fyri umleið 160 ferðafólkum, og á Flightradar stendur, at flogfarið er frá Atlantic Airways.

Kona J. D. Vance ávegis

Varaforsetin í USA, J. D. Vance, hevur sent konu sína til Grønlands, og hon kemur hagar í komandi viku. Hon eitur Usha Vance, og sigur seg skula hyggja at hundasleðu-renning. Við henni á ferðini er trygdarráðgevin Mike Waltz. Tey væntast til Grønlans 29. mars, sum er komandi leygardag.

Vitjanin hendir beint eftir grønlendska valið, har samgongusamráðingar framvegis fara fram. Eisini er eitt kommunuval ávegis. Viðmerkjarin Hans Engell hevur áður skrivað, at vitjanin sýnir vantandi virðing fyri bæði grønlendskum og donskum myndugleikum, og hann heldur frágreiðingina um hundasleðu-renning vera nakað humbukk ella ”en dødssyg forklaring”, sum hann orðar tað.

Keldur:

Grein úr Ekstrabladet

Viðmerkingin hjá Hans Engell og víðari lesnaður

Lýsing
Seinastu tíðindini
Fípan Fagra flotað
Føðingardagshald í Skálkur Klaksvík
Nýggjur stjóri settur fyri GroAqua sam…
Dávið Ryan dómari í EM kapping í flogból…
Ummæli: 'Bakka' ein heimildarfilmur um B…
Flaggdagshald í Vágstúni
Virkin saman og hugbundin
At vera skóti gevur lærdóm fyri alt lívi…
KRF: Opið neyst í dag kl. 17
Ribarhús í Fuglafirði
Havnin ímóti Klaksvík í Bónus steypaf­ina…
Møgulig Liverpool meistaraveitsla í Royk…
Lítla Luks er ein dreymur vorðin verulei…
Fjølmiðlar, fólkaræði og fávitska
Jógvan Andrias Eliasen verður 85 ár
Endur­nýtslan stongd flaggdagin
Atlantic Airways 27 mió. í avlopi í 2024
Lasse Klein heldur flaggrøðu í Klaksvík
Virkin spurnarkapping
 Takk til politisku skipanina