Navnakapping: Hvussu skal nýggja hotellið í Klaksvík eita?
Byggiarbeiðið gongur væl, og um alt heldur fram eftir ætlan, verður nýggja hotellið í Klaksvík klárt at taka í nýtslu tíðliga næsta ár. Hotellið hevur 81 rúmlig kømur við fýra stjørnum, eina matstovu og fundarhølir við plássi til upp til 300 fólk
Hotellið verður staðsett beint norðanfyri Biskupstorg, út móti Vágni, har tað hevur frálíkt útsýni í allar ættir. Høvuðsinngongdin verður suðureftir, vend móti Biskupstorgi.
Við síni serligu staðseting verður hotellið ein týðandi og eyðsýndur bygningur í Klaksvík:
- Staðsett partvís í sjónum, sum ger tað heilt serstakt
- Liggur mitt í hjartanum av býnum
- Kann gerast ein altjóða ráðstevnumiðdepil
Nú er tíðin komin at geva hotellinum eitt navn, og tí skipa vit fyri navnakapping! Øll eru vælkomin at senda inn síni uppskot til navnakapping@gistogvist.fo í seinasta lagi 10. apríl kl. 23.59. Vinnarin fær eina peningagávu upp á 7.000 kr.
Um tey innsendu uppskotini ikki verða mett nøktandi, verður ongin vinnari kosin.