Í kvøld verða klassikarin í føroyskum fótbólti sum fer at avgera, hvat av hesum báðum liðunum skal luttaka í fjórðingsfinaluni í kappingini um løgmanssteypið.

Hjá KÍ er ivamál um Deni Pavlovic, René S. Joensen og Claes Kronberg, meðan HB hevur spælt síðstu dystirnar uttan Viljorm Davidsen, Ejvind R. Mouritsen og Ára M. Jónsson. HB hevur øll hagtølini við sær, tí KÍ hevur tapt í fyrsta umfari í fýra av síðstu fimm árunum og bara einaferð síðani 2016 hevur KÍ vunnið móti einum topp 5 liði í steypakappingini. Hinvegin hevur HB vunnið løgmanssteypið í 2019, 2020, 2023 og 2024. Í landskappingini hevur KÍ ikki skorað í Gundadali móti HB síðani 2023. Í fjør tapti KÍ 1-0 og 3-0 í Gundadali, meðan HB í kappingini um løgmanssteypið vann 3-2 í Klaksvík í 1. umfari.

Dysturin í Gundadali byrjar kl. 18.30. Dómari verður Jóhan Hendrik Ellefsen.