Hósdagin 10. apríl, fer Steintóri Rasmussen, sum er ein av teimum sum hevur myndað tónleikapallin í Føroyum tey seinastu 40 árini, at hava konsert í høllimi í Kaldbak Steintór hevur skrivað fleiri hundrað sangir og gjørt bæði tekstir og løg, sum eru blivin fólkaogn.

Við sínum hjartanemandi og talandi songum, so sum tey nýggjastu hittini "Tað kundi verið eg" og "Av øllum tí góða, sum Gud hevur gjørt", fer Steintór at leiða okkum gjøgnum lívssøgur, gleðir og brot úr gerandisdegnum – alt pakkað inn í fangandi løg og sterkar tekstir.

Konsertin verður í Høllini í Kaldbak hóskvøldið 10.apríl kl 19.30. Við sær hevur Steintór dóttir sína Rakul Ró, sum við síni rødd fer at seta sín dám á kvøldið, og Heina Z. Dahl, sum gevur tónleikinum lív.

Verð vælkomin í høllina í Kaldbak tann 10. apríl kl. 19.30!

Konsertin er stuðlað av Ocean Rainforest og Økistónar.

Kostnaður er 80 kr. fyri 14 ár og eldri. Sum má gjaldast kontant (eingin terminalur) við dyrnar. Kaffi/te og okkurt søtt er við í prísinum.

Annars er møguleiki at lesa søguligt tilfar og hvat fyriferst í Kaldbak á kaldbak.com