KÍ hevur fult stigatal fyri seks umfør, meðan uppflytararnir úr FC Suðuroy hava seks stig, ið helst er nøktandi, tí FC Suðuroy spældi í 2.deild í 2023 og hevur ikki keypt nógv inn. Tí var FC Suðuroy mett at enda millum tvey tey aftastu hjá nærum øllum, sum tippaðu undan kappingini. Men FC Suðuroy hevur staðið seg væl og ikki minst avrikið seinasta umfar á útivølli móti oddaliðnum NSÍ vakti ans, tí tá vóru tað bara marginalar, sum gjørdu at FC Suðuroy ikki fekk stig.

Hjá FC Suðuroy er Salmundur Bech skaddur. Hjá KÍ er Claes Kronberg skaddur, meðan Árni Frederiksberg er tøkur aftur frá leikbanni. Jonn Johannessen er somuleiðis tøkur aftur eftir, at hann var spardur seinast.

Dysturin í Vági byrjar kl. 15.00. Dómari verður Leivur Zachariassen.