Talan var um ein kallhval, ið var 2,19 m langur og vigaði 89 kg. Hann hevði ikki nakran sjónligan skaða, hvørki inn- ella útvortis, men var nakað rak. Magin var tómur, og hann var ikki mettur at vera kynsbúgvin.

Rípuspringari kann gerast 58 ára gamal. Fullvaksin vigar hann um 150-160 kg, har kvennhvalur verður upp í 240 cm og kallhvalur upp í 260 cm langur. Rípuspringari er at finna víða um í Atlantshavinum, tó vanliga sunnan fyri føroyskt sjóøki, uttan fyri hellingina, einamest har sjóvarhitin er millum 16 og 24 stig. Hann finnur sær føði bæði uppi í sjónum og niður á 700 m dýpi. Føðin er smáur fiskur, høgguslokkur og eisini krabbadjór.