Í sambandi við Virkið vár var ein slíkur dagur á skrá í Badmintonhøllini, har m.o. borgarstjórin eisini vitjaði og fór uppí liðið at strekkja út.

Hetta skeiðið er rættiliga umbiðið og oftast meir enn fullsett. Fleiri teirra hava gingið í fleiri ár.

Har var ein maður við miðskeiðis í 80-unum. Hann sá út sum ein unglingi, og rørdi seg eftir gólvinum eisini sum ein slíkur.

Hetta var stuttligt at síggja og sleppa at royna at vera við. Tú føldi beinavegin, at tað vóru fleiri “óroyndir” liðir á kroppinum.

Men ikki minst samanhaldið og tann góði kaffimunnurin aftaná, er sanniliga heldur ikki at forsmáa.