Tá KÍ fyrst fekk hol á so gekk tað skjótt og KÍ spældi væl í fyrra hálvleiki. Leikferðin var høg og hóttanir komu frá nógvum støðum. Tað sá út til at gagna liðnum væl, at Dávid B. Andreasen var á liðnum frá byrjan fyri fyrstu ferð nakrantíð. Hann skoraði eitt, legði upp til tvey og burdi lagt upp til eitt annað, tá Jonn Johannessen skuldi havt skorað. Dávid vísti, at hann eigur at fáa fleiri møguleikar frá byrjan, í øllum førum í slíkum heimadystum móti lægri liðunum.

Í seinna hálvleiki fór leikferðin nógv niður og spælið bleiv ikki eins áskoðaravinarligt. Men hóast tað, so skoraði KÍ fimm mál afturat. KÍ vann 10-0 og hevur næstan innheintað málmunin hjá oddaliðnum áðrenn hetta umfarið, NSÍ. Hesi bæði møtast í sonnum toppdysti um eina góða viku í Runavík.