Veðrið í vikuni
Gott veður hesa vikuna. Eitt hátrýst fer at liggja beint við Føroyar, og hátrýstveður er vanliga gott veður. Bert heilt lítil broyting í veðrinum frá degi til dags, so teksturin niðriundir fer fyri ein stóran part at vera endurtøka frá mikudegnum og frameftir.
Vindurin fer bert onkra løtu upp um 6 m/s, einki avfall sæst í nakrari framrokning yvirhøvur, og í erva fer fyri ein stóran part av vera klárt ella smáskýggjað. Hitalagið fer at liggja støðugt úr 7 stigum og uppeftir. Mesti dagshiti um 11 stig, men har sum ættin lívir vera nøkur stig afturat.
Veðrið í vikuni – dag fyri dag:
Mánadagin
Lot til frískt lot av útsynningi, 3 til 8 m/s, smáskýggjað og turt við sól ella sólglottum. Hitin 7 til 11 stig.
Týsdagin
Lítið lot vestan, minni enn 5 m/s. Sum frá líður fer hann at mæla av ymsum ættum. Smáskýggjað og turt við sól ella sólglottum í dagtímunum. Hitin 7 til 12 stig.
Mikudagin
Lítið lot av ymsum ættum, minni enn 5 m/s, smáskýggjað og turt við sól ella sólglottum í dagtímunum. Hitin 8 til 13 stig.
Hósdagin
Lítið lot sunnan ella av ymsum ættum, minni enn 5 m/s, smáskýggjað og turt við sól ella sólglottum í dagtímunum. Hitin 9 til 14 stig.
Fríggjadagin
Lítið lot av ymsum ættum, minni enn 5 m/s, smáskýggjað og yvirhøvur turt við sól ella sólglottum í dagtímunum. Hitin 10 til 15 stig.