Veðrið hevur verið av tí allar besta, og veðurforsøgnin sigur bakandi sól allan dagin. Hetta hevur givið starvsfólkunum hjá KBI hugskotið at bjóða sínum viðskiftafólkum til eina óformella løtu við góðum mati og góðum práti.

Grillin verður tendrað kl. 12, og tá verður møguleiki at fáa sær eina pylsu og okkurt drekkandi afturvið. Starvsfólkini hava gjørt klárt við borðum, stólum og nógvum pylsum, so øll kunnu njóta summardagin í góðum lag.

Vit prátaðu við stjóran hjá KBI, sum sigur, at hetta er ein frálíkur møguleiki at síggja síni viðskiftafólk í einum øðrvísi høpi og at takka teimum fyri góða samstarvið. "Vit vilja skapa eitt gott og óformelt høvi til eitt prát og at njóta góðveðrið saman," sigur Rói Clementsen.

KBI væntar góðan undirtøku og gleðir seg til at síggja nógv fólk til summarløtuna í dag. Vit á Norðlýsinum ynskja KBI eitt væleydnað tiltak.