Nú hevur Klaksvíkar býráð samtykt at dagføra gjaldsskránna hjá Klaksvíkar havn, soleiðis, at gjald eisini kann verða tikið fyri bingjur og annað tilfar, sum stendur á økinum hjá Klaksvíkar havn uttan avtalu.

Hetta merkir, at frá 1. juni 2025, verður gjald kravt fyri bingjur, akfør o.t., sum uttan sáttmála ella aðra avtalu við Klaksvíkar havn standa á økinum hjá Klaksvíkar havn.

Leigugjøld fyri lendi á Havnaøkinum

Fyri bingjur, akfør o.t., sum uttan sáttmála ella aðra avtalu við Klaksvíkar havn standa á økinum hjá havnini, verður leigugjald á 100 kr. tikið fyri hvørt um døgnið.

Fyri tilfar o.a., sum uttan sáttmála ella aðra avtalu við Klaksvíkar havn stendur á økinum hjá havnini, verður leigugjald á 25 kr. pr. fermetur tikið um døgnið, tá talan er um grúslendi og 35 kr., tá ið talan er um asfalterað øki.

Heitt verður á øll, sum eiga tilfar, bingjur ella akfør á Klaksvíkar havn, um at fáa tað á egið økið áðrenn 1. juni.

Aftaná 1. juni verður farið undir at skráseta óviðkomndi tilfar, og rokning verður send eigaranum. 

Møguligir spurningar kunnu sendast til havnaskrivstovuni umvegis teldupost port@klaksvik.fo.