Talan er um síðsta dystin hjá KÍ áðrenn toppbrakið á norðoyastevnu móti NSÍ. Kravið hjá KÍ er at fáa trý stig.

TB hevur enn ikki sett nýggjan høvuðsvenjara. TB hevur fingið nøkur stórtap á útivølli í ár, men á heimavølli hevur liðið staðið seg væl í fleiri dystum. M.a. fekk liðið javnleik móti meistarunum Víkingi í 1. umfari.

Hjá KÍ hava skaðar og sjúka rakt hópin síðstu tíðina. Sjúka tykist verða farin framvið nú, men skaðar eru fleiri. Claes Kronberg hevur verið skaddur í fleiri vikur, men nærkast nú at blíva klárur aftur, meðan eykamálverjin Sebastian John má binda frið íu nakrar vikur. Av somu orsøk spældi hann ikki móti AB. Av teimum sum spæla regluliga er størst ivamál um René S. Joensen, Patrik Johannesen og Páll A. Klettskarð. Harafturat er ivamál um Robert Williams, Mads Boe Mikkelsen og Filip Brattbakk. Helst verða fleiri av teimum við í hópinum.

Dysturin í Trongisvági byrjar kl. 14.45. Dómari verður Rúni Gaardbo.