KÍ-leikararnir Árni Frederiksberg, Jóannes K. Danielsen og Patrik Johannesen stóðu fyri málstigunum, tá Føroyar vunnu ein uppibornan sigur á Gibraltar í kvøld.

Tað byrjaði annars ikki væl og Gibraltar førdi 1-0 í hálvleikinum. Fyrri hálvleikur var ikki góður sæð við føroyskum eygum. Í seinna hálvleiki vendist alt. Fyrst javnaði Árni Frederiksberg við beinleiðis hornasparki, og í 86. minutti sendi Jóannes K. Danielsen innfyri til Patrik Johannesen, sum avgjørdi dystin.
Eyðun Klakstein fekk sostatt eina góða byrjan á heimavølli, og tað var fult uppiborið, at Føroyar vunnu dystin, hóast nakað eisini er at arbeiða við, tí fyrri hálvleikur var ikki góður. Hinvegin vísir tað styrki at koma aftur og at enda vinna dystin.