Motorsagin riggar – 1,7 milliónir børn lyft úr fátækradømi
Hóast helst tann ógvisligasti sparipolitikkurin í øllum Latínamerika er settur í verk í Argentina, er barnafátækradømi har minkað við 1,7 milliónum. Tað vísa nýggj tøl frá UNICEF og argentinsku hagstovuni INDEC
Tað skrivar brasilianski miðilin The Rio Times.
Samlaða fátækradømið í Argentina minkaði úr 52,9% til 38,1% uppá eitt hálvt ár, meðan ekstrema fátækradømið minkaði niður í helvt til 8,2%. Hetta hendir samstundis sum at stjórnin hjá Javier Milei skar almennu útreiðslurnar við 5% av BTÚ, eins og landið var úti fyri einum fíggjarligum niðurtúri uppá 1,7%.
Lykilin til hesa framgongdina hevur verið málrættaðar sosialar skipanir, millum annað eina víðkan av veitingunum til børn og øktum stuðuli til mat til tey fátækastu, saman við eini effektivari niðurberjing av inflatiónini. Inflatiónin fór úr 25,5% líka niður í 2,4% uppá eitt ár, og reallønin er byrjað at vaksa aftur.
Hóast argentiski arbeiðsmarknaðurin vaks til methøga talið 13,6 milliónir í arbeiði, er framvegis nakað eftir at gera: 11,5% av argentinsku børnunum liva framvegis í ekstremum fátækradømi, og veitingin til børn er ikki nóg mikið til at nøkta tørvin. IMF væntar tó ein búskaparvøkstur uppá 5,5% í 2025.