Klaksvíkar Hornorkestur spældi nøkur løg, og Rannvá Isaksen, HR- og HTU leiðari og marknaðarsamskipari á KSS og fyrrverandi næmingur á Tøknibreytini, helt røðu. Næmingarøðurnar hesaferð vórðu hildnar av Tummas á Lakjuni og Pól Sundskarð.

Síðani var boðið til kaffi, køkur og suppu á TSK, har heiðursprógv vórðu givin fyri ávikavist “besta prógv” og “hjálpsamasti næmingur”.

Jónas Rógvason fekk handað heiðursprógv fyri besta prógvið á Tøknibreytini, við einum avbera flottum miðaltali upp á 11,6.
Heiðurin sum hjálpsamasti næmingur fekk Pól Sundskarð, sum øll trý árini altíð hevur verið til reiðar at hjálpt til á nógvum ymiskum økjum.

Vit ynskja teimum báðum og øllum hinum pisunum á Tøknibreytini hjartaliga til lukku við próvnum.