Tey seinastu árini hava børn úr dagstovninum mála málningar, sum síðani hava verið latnir til eina uppboðssølu til frama fyri endamálið hjá Team Rynkeby.

Uppusølan, sum aftur í ár var partur av fráfaringarløtuni, varð væl móttikin.

Í dag hava børnini verið í bankanum við pengunum. Tey gjørdust ikki sørt bilsin og errin, tá ið tey hoyrdu, at tey høvdu samlað 10.323,50 kr.

Í Blákolluni siga tey, at bæði børn og foreldur taka væl undir hesum átaki. Børnini eru sera ágrýtin, og tey bíða spent eftir degnum, tá ið málningarnir verða sýndir fram í Virkishúsinum Smæran. Tilgongdin gevur eisini høvi til at umrøða góða endamálið og gleðina við at gera okkurt, sum er til gagns fyri onnur.