Orsøkin er, at ein avtala ikki varð gjørd millum KÍ og rættindahavaran til stroymingina av dystinum. Í hesum føri vóru tað útlendsk samstarvsfeløg, sum tóku sær av framleiðslu og sølu av dystinum, og teir valdu at fara aðrar leiðir enn at samstarva við okkum.

Vit hava fulla virðing fyri tí valinum, og ynskja øllum góðan dyst – men tá vit vísa ein dyst á KÍ Varpinum og marknaðarføra hann sum okkara egnu framleiðslu, er tað avgerandi fyri okkum at kunna tryggja góðsku í øllum liðum:

• HD-myndagóðska
• Kvalifiseraður teknikari
• Vertur og viðmerkjari, sum kenna føroyskan fótbólt og serliga KÍ
• Og at vit sjálvi kunnu standa inni fyri vøruni, ímun til prísin sum áskoðarin rindar fyri.

Vit seta okkara umdømi og trúvirði í hægsta røð. Tí valdu vit hesaferð ikki at leggja okkara pall og navn til framleiðsluna, tá vit ikki kundu tryggja okkum neyðugu góðskuna.

Vit fara tó at veita tykkum beinleiðis dagføringar frá dystinum her á heimasíðuni, so fjepparar kunnu fylgja gongdini hjá okkara liði í Finlandi.