Higartil hevur KÍ bert einaferð tapt á heimavølli í Klaksvík, hóast stór lið úr øllum Evropa hava vitjað heimligu karmarnar við Djúpumýru. Serligi stemningurin kring vøllin - við trummum og rópi - geva avgjørt leikarunum eyka orku og vilja til at vinna dystin á vøllinum.

Í samband við dystin verður nógv gjørt burturúr, og millum annað verður møguligt at keypa pylsur, sodavant og øl aftanfyri málið og við Atlantis.

Besta stuðul vit sum áskoðarar kunnu geva leikarunum, er at møta fjølment til dyst og heppa á okkara leikarar við róp og sangi.

Vit vóna at síggja nógv fólk bláum og í góðum lag, so kvøldið verður ógloymandi.

Dysturin millum KÍ og SJK Seinäjoki, verður hósdagin 17. Juli kl. 19:45.

Atgongumerki til dystin kunnu keypast á hesari leinkjuni: https://ki.atgongumerki.fo/?eventId=3345495