Lýsing
Lýsing
Lýsing
Melkart 2 á veg inn á Norðhavnina fyrr í vikuni. Hendan sjónin hevur øst nakrar politikarar í miðstaðarøkinum, møguliga tí hon minnir teir á orðini í samgonguskjalinum, "serliga verður strongt á at tryggja føroyskum vinnulívi betri atgongd til ES-marknaðin", sum ikki er hildið, men sum kundi gjørt okkum minni heft av Russlandi | Mynd: Jóhann Lützen

Passivt-aggressivir politikarar

SKRIVAÐ: Jóhann Lützen  |  17.07.2025 - 11:19 Leiðarin Politikkur Vinna

Nakrar atfinningar hava verið frammi frá føroyskum politikarum – tveimum limum í Uttanlandsnevndini og einum í Fólkatinginum – um, at Føroyar ikki útihýsa ávísum russiskum skipum frá føroyskum sjóøki og føroyskum havnum. Men ein týðandi partur av frágreiðingini er, at politikararnir ikki hava hildið síni lyfti um betraða marknaðaratgongd til ES. Teir kunnu tí lutvíst takka sínum egna passiviteti fyri, at russlandssáttmálin enn hevur tann týdning, hann hevur.

 

 

Føroyska vinnan hevur í ein mansaldur eftirspurt betri marknaðaratgongd til ES, serliga viðvíkjandi virkaðum fiskavørum. Og føroyskir politikarar hava sagt seg vilja arbeitt fyri tí. Enntá danskir politikarar hava sagt seg viljað tað. Og aftur, tá kríggið í Ukraina brast á, var frammi at fáa í lag eina betraða fríhandilsavtalu við ES, sum kundi gera Føroyar minni tengdar at útflutningi til Russlands.

Men tað er tíverri ein veruleiki, at enn er onki hent á tí økinum. Enn er tað einans blivið til orð. Og tað er her, trupulleikin liggur. At politikararnir halda, at bara teir geva sína støðu í einum máli til kennar, ja, so er teirra uppgáva liðug.

At politikararnir soleiðis uppfata sín leiklut í politikki sum bert at vera eygleiðandi og síðani finnast at avleiðingunum í miðlunum, er ein púra skeiv sjálvsfatan av síni arbeiðsuppgávu. Teir hava, sum teir einastu, vald til at broyta viðurskiftini. Tað er ongin annar enn politikararnir sjálvir, sum kunnu ávirka og/ella broyta nakra handilsavtalu. Og lata teir vera við tí, hóast teir hava lovað tað, ja, so mugu vit bara staðfesta, at teir ikki gera sítt arbeiði.

Tí slepst ikki undan at hugsa, at tað sum veruliga nívur m.a. limirnar í Uttanlandsnevndini og fólkatingslimin er, at tá Melkart-2 damlar gjøgnum føroyskar firðir og sund, so verða vit føroyingar mintir á passivitetin hjá okkara politikarunum. Og á, at tann áhaldandi passiviteturin ger avtaluna við Russland týdningarmikla.

Lýsing
Seinastu tíðindini
Málveitsla í Vági
Gongur skjótt undan við eplunum
Egna niðurfyri hjá Bjørgvin
Syngja fyri sjúklingunum
Epli av Sandi
Upptakt: FC Suðuroy-KÍ
Veðrið um vikuskiftið
Akademi­stjó­rin hjá KÍ er settur sum tekn…
VILMUND á veg til Rødbygaard – brot úr l…
Fimm mans í áttatiáru­num mintust sluppin…
Føroya Skipara- og Navigatør­felag stórst…
Melda til heilsufótbólt 2025
Norð­urlanda meistaraheitið fyri seyðahun…
Tjóðstarta við hugnaløtu og dansi fríggj…
Lands­stýris­kvinnan í umhvørvismálum á vi…
Barentshavið fyri hóttafalli orsaka av æ…
Eiga at kanna fortíðina
Aksel Remmel við nýggjum staklagi
Gjaldstovan er á Vanganum - betri yvirli…
Í gjár hevði Linda Laksáfoss sín seinast…