Barsskor gavst at sigla til tær norðastu bygdirnar í Kalsoynni í 1985, tá tað var koyrandi gjøgnum tunlarnar í oynni. Hann helt tó fram at sigla til tær sunnaru bygdirnar til í 2005, tá ferjulegan á Syðradali varð tikin í brúk, og Sam varð settur í sigling á farleiðini. Eftir at Barsskor varð lagdur, var talan um at selja hann til Íslands fyri eina krónu, haðani hann varð keyptur, men hetta bleiv av ongum. Menn í Klaksvík søgdu seg eisini hava boðið sær til at keypa bátin fyri 70.000 krónur, men teir søgdu seg ongantíð fáa nakað svar.

Eftir at hava ligið við Stengarbrúgvarnar í rúma tíð, varð Barsskor upphøgdur norðuri á Strond stutt undan jólum í 2008. Hjalmar W. Høgnesen, sum sigldi sum skipari á postbátinum frá 1965 til 1995, segði seg hava biðið um at fáa navnabrettið á bátinum, men tað fekk hann ikki. Hjalmar bað síðan pápa, sum sigldi við Barsskor í trýssunum, um at gera sær eitt meinlíkt navnabrettið, og tað gjørdi pápi honum.

Helgi Wolles, morbróðir lænti mær myndina.