Hetta er hátrýstveður – tá ið miðjan á hátrýstinum er eystanfyri. Lá tað mitt yvir Føroyum ella sunnanfyri, so var helst klárt allasteðs.

Tað fer at vera soleiðis í morgin afturat, so kemur broyting í.  

Veðrið í vikuni – dag fyri dag:

Hetta til á middegi í morgin:

Lot til frískt lot eystan, 3 til 8 m/s, yvirhøvur turt í skiftandi skýlofti við støðum, har tað er smáskýggjað og sólglottar, men eisini við støðum við támi ella mjørka. Út á seinnapartin og frameftir bert eitt lítið lot, minni enn 5 m/s. Hitin 14 til 19 stig.

Týsdagin

Lítið lot eystan, minni enn 5 m/s, samdrigið og okkurt ælið. Eitt skifti seint seinnapartin og um kvøldið samregn. Fram ímóti midnátt slítur í. Um náttina lítið lot vestan, minni enn 5 m/s, samdrigið og yvirhøvur turt. Hitin 11 til 16 stig.

Mikudagin

Lítið lot vestan, minni enn 5 m/s, samdrigið og yvirhøvur turt. Seinnapartin malandi av ymsum ættum og okkurt ælið. Um kvøldið og náttina aftur eitt lítið lot vestan og yvirhøvur turt. Hitin 11 til 16 stig.

Hósdagin

Lítið lot vestan á morgni, minni enn 5 m/s, sum fyrrapartin og seinnapartin spakuliga gongur niður í sunnan, meðan tað er samdrigið og yvirhøvur turt. Um kvøldið lot til frískt lot sunnan, 3 til 8 m/s, samdrigið og okkurt ælið. Um náttina gongur hann vesturum til útsynning. Hitin 10 til 15 stig.

Fríggjadagin

Frískt lot til frískan vind av útsynningini, 5 til 10 m/s, skiftandi skýloft og okkurt ælið. Um náttina samregn. Hitin 10 til 15 stig.