Í komandi viku byrjar eitt nýtt tíðarskeið á Kalsoyarleiðini, har Teistin fer at avloysa Sam, sum so fer at verða tøkur fulla tíð til aðrar uppgávur.

Hetta fer at viðføra, at nú kann SSL lata Teistan sigla hvønn týsdag og hósdag kl. 10 úr Klaksvík árið runt. Hesir túrar eru hægsta ynski hjá kalsoyingum og ferðaaktørum at fáa settar í verk.

Flestu fólk eru samd um, at skilabest er við fleiri túrum hjá Teistanum gjøgnum dagin, so talið á ferðandi kann javnast nakað út yvir dagin og allar dagar í vikuni. Hetta so at bussar og onnur móttøka á oynni kann svølgja tilgongdina. T.d. at sigla kl. 12 og 14 úr Klaksvík og minka loyvda ferðafólka- og bilatalið ávísar túrar.

Somuleiðis eru tey flestu samd um, at ein væl skipað bussleið í oynni viðførir, at ferðandi heldur velja hesa loysnina enn at taka bilin yvirum. Bussleiðin má eisini økjast við túrum millum bygdir og ikki bara í sambandi við túrar hjá Teistanum. Hetta vil viðføra, at vitjandi klára at vitja fleiri støð í oynni. 

Feskastu hagtølini hjá Strandferðsluni á Kalsoyarleiðini sjóvegis og á landi síggjast niðanfyri: