Hesin dysturin liggur fýra dagar eftir, at KÍ spældi longda leiktíð í Ungarn móti Neman. Áðrenn Neman skoraði til 2-0 vóru Odmar Færø, Hallur Hansson, Páll A. Klettskarð og René S. Joensen útskiftir. Odmar við skaða, Hallur hevði sum skilst verið sjúkur uppundir dystin, Páll bað um útskifting sást á upptøkunum, meðan René hevði onkran snudd undan dystinum og m.a. ikki var í hópinum móti B68. Men ein kann rokna við, at fleiri av hesum verða tøkir longu aftur. Hinvegin kann eisini væntast, at fleiri broytingar verða, har onkrir av leikarunum, sum spældu 120 minuttir, ikki verða í uppstillingini. Hjá B36 hevur Filip Djordjevic leikbann.

Dysturin í Gundadali byrjar kl. 18.30. Dómari verður Kári á Høvdanum.