Tað var rætt at lýsa tænastubann
- Tað var rætt av okkum at lýsa tænastubann, tí vit vunnu meira, enn vit taptu, tá av tornaði, so einfalt er tað. Strandferðslan og Fíggjarmálaráðið mugu og skulu til samráðingarborðið at finna fram til eina semju við okkum, áðrenn føroyskir yvirmenn kunnu gera tænastu umborð á avloysaraskipinum Galaxy.
Tænastubannið var óheimilað, sigur Fasti Gerðarrættur, men tað merkir nettupp, at SSL-sáttmálin skal haldast. Tað verður hann ikki, fyrr enn ein avtala um flokking er gjørd og greiða er fingin á øllum ivaspurningum, vísir formaðurin í Maskinmeistarafelagnum á. Eisini hevur Útlendingastovan gjørt púra greitt, at útlendska manningin skal hava føroyskt arbeiðsloyvi, og at lønar- og setanartreytir skulu vera í samsvar við føroysk viðurskifti – tað merkir, at viðurskiftini skulu vera í samsvar við galdandi sáttmálar