Tá vóru tað renni kempur sum Albert Marni, Absalon, Gutti og teirra líkar, sum settu nýggjar standardir fyri, hvussu skjótt tað var møguligt at renna í føroyskum høpi

Í dag er tað serliga ein rennari, sum bjóðar av. Tað er treysta rennarin Julian Gregersen.

Komandi dagarnar fer hann at royna at taka legendarisku 1990’ara metini á 3000 og 5000 metrum hjá Albert Mara á breyt.

So seint sum seinasta týsdag megnaði hann at klippa tríggjar hundrapartar av 33 ára gamla metinum hjá Albert Marna á 1500 metrum, og fyrr í ár koppaði hann sanniliga eisini 32 ára gamla metinum hjá tí sama Albert Marna í 5000 metrum á landavegi.

Í Klaksvík hálvmarathon í ár setti Juian eisini føroyskt rutumet við eini góðari tíð niðurímóti einum tíma og ellivu minuttum.

Í annakvøld fer Julian so eftir metinum á 3000 metrum á breyt. Tað rann Albert Marni í 1993 uppá 8:26.24. Besta tíðin hjá Julian á 3000 metrum er beint nú 8:44.37 - altso um 18 sekund seinni.

Kappingin fer fram í Watford Harriers Open Graded Meeting og rennararnir verða sendir av stað klokkan 19:00.

Longu fríggjakvøldið skal Julian aftur í eldin í Peckham Pacers í London, tá hann fer at gera eina roynd at taka 5000 metrar metið á breyt frá 1994, sum Albert Marni tá rann uppá imponerandi 14:48.01!

Hvussu fer at ganga ella ikki, so sigur Julian, at hansara greiða mál er at taka bæði metini.